كيفية تحضير الإسبرسو - عن الاسبريسو

الإسبرسو مشروب له عدد مهول من سكان العالم يستخدمه يومياً؛ في مصر الإسبرسو مُهان جداً من حيث جودة القهوة والتحضير والمفاهيم المغلوطة ، الباريستا بيقوم بعملية تحضير القهوة عموماً في مصر ينقصه خبرة كبير، يستخدم قهوة رديئة تسبب مشاكل في المعدة وصداع في الرأس، في بعض الأماكن اكتشفت إن الباريستا بيحضر القهوة يستخدم كمية تقضي شوت اسبريسو سينجل بيشتغل بيها اكثر من مرة ويحضر بها أكثر من كوب، ودا نتيجته شوية مياه فيهم ريحة مقرفة بس، مالوش أي علاقة بالقهوة.

في المقال ده محاولة لتصحيح مفاهيم القارئ عن صناعة الإسبرسو و إزاي كوب الإسبرسو المضبوط بيتحضر.

يعني ايه إسبريسو:

عـلي حد بحثي وفهمي وسؤالي حبايبنا المتواجدين في إيطاليا، إسبريسو يعني القهوة الطازجة، مش القهوة السريعة زي ما هو شائع استنادا إلي أنها تحريف لكلمة إكسبريس أحياناً بتلاقي ناس يطلبو قهوة "إكسبرس" أي سريعة ولكن اسبيرسو تعني القهوة الطازجة

تكوين الاسبريسو:

قهوة الإسبرسو هي مزيج من البخار والمياه الساخنة بدرجة حرارة أكثر من 80درجة مئوية وأقل من 86، بقوة ضغط من 15 إلي 18 بار بتعدي بين القهوة المطحون طحن ناعم نسبياً ومضغوط بشكل يسمح باستخلاص كافة محتويات حبوب القهوة متحمص تحميص غامق نسبياً يعطيك فنجان إسبريسو له وش كريمي وقوام متوسط وكافيين يخليك في أسعد لحظات يومك.

شاهد ايضاً : هل ابريق الموكا بوت بدليل لمكينة الاسبريسو ؟

أنواع القهوة والكمية المستخدمة في تحضير الإسبرسو:

أغلب الكافيات المشهورة بفنجان الإسبرسو في العالم كله بتحضره بطريقتها الخاصة (السرية)، اختيار القهوة ,نوعه" ريبوستا ولا ارابيكا "النسب , مكان زراعته, تحميصه و طحنه، فبناءً عـلية تقريباً مفيش طريقه “ستاندرد”؛ عشان كدا ها أعتمد عـلي تجربتي وخبرتي المتواضعة في كتابة المحتوى ده.

الخلطة القهوة اللي بستخدمها و استحسنها هي:

30% روبوستا 70% أرابيكا، يتم تحميصها عـلي الدرجة القبل الأخيرة من الخمس درجات الكلاسيكيين ( الغامق المتوسط) ما بين الـ city roast و الـ full city roast زي ما الأجانب يقولوا، مصادر القهوة أنا بحب البرازيلي مع الفيتنامي بيدي مرارة مقبوله بالنسبه لي.

حفظ القهوة:

القهوة كل ماكان التحميص بدري قبل الاستخدام بتكون افضل، عشان ثبات الروائح والزيوت وأعلى كفاءة من حيث الطعم، ممكن تحفظ حبوب القهوة بعد التحميص بطريقة عدم دخول الهواء، ودا ممكن توفرة عن طريق تفريغ الهواء "فاكيوم" ممكن تخزينه  لمدة سنتين، القهوة المطحون يفضل يكون طازج دائماً قبل الاستخدام مباشر، ولكن لو دا مش متاح ممكن تطحن الكميه اللي انت محتاجها (الطحن يكون طحن متوسط يميل للنعومه زي حبات الملح تقريباً) وتحفظها في مكان بارد اسبوع (بعد الاسبوع يفقد خواص كثيرة) أو تفكيمه في أكياس مخصصة له وتقدر تحفظة لمدة سنة.

شاهد ايضاً : ما هو الفرق بين القهوة الريبوستا والاربيكيا ؟

كيفية تحضير الإسبرسو:

بعد طحن كمية القهوة(شوت الاسبريسو السينجل 7 جرام قهوة - الدبل 14 جرام قهوة - التربل 21 جرام قهوة.)
بعد كدا بيتم وضع القهوة في الهاند ومساوتها، في قاعدة بسيطة للمبتدئين يمكن تكون مفيدة وهي تحرك القهوة في أربع إتجاهات زي ما في الصورة، حيث  يكون يملئ كل حواف وجوانب الهاند، وبعد كدا نضغط عـلي القهوة ده عشان المياه والقهوة يتفاعلوا بشكل يخدم طعم ورائحه فنجانك

بعد كدا بنضغط القهوة دا بأداة بسيطه التيبمر بعتبر إن الضغط عمليه فنيه عشان يكتمل فنجانك والهدف منه هو إجبار الماء والقهوة عـلي التفاعل قبل النزول وإستخلاص افضل فنجان قهوة. 

بعد عملية الضغط القهوة بيكون جاهز عشان يدخل عـلي ماكينة الإسبرسو وضغط المياه والبخار بدرجة حرارة كافية إنها تذوقك الأورمة وكل العناصر الي تنقلك من حالة الكسل والخمول لحاله البهجة والسرور :))

بعد تركيب الهاند عـلي المكينة (حاول ماتسيبش الهاند أكثر من 30 ثانيه بدون إنزال المياه لأن الاستانليس ستيل المتواجد علي فوهه المكينة يكون سخن جداً ويقوم بحرق القهوة ويؤثر عـلي الطعم)

تأكد من غسل فوهة الماكينة قبل تركب“الهاند” عـلي الماكينة، انك تسيبها تنزل مياه لمدة 30 ثانيه عشان تتأكد إن مفيش عوالق تأذي فنجانك

استقبل القهوة في فنجان صغير ساخن بفعل وضعه أعـلي ماكينة القهوة أو بتسخينه بماء ساخن ليحافظ على حرارة الفنجان في الطقس البارد لمدة تبدأ من 20 إلى 25 ثانية.. بعد ذلك استمتع

نصائح للحصول عـلي كوب إسبريسو قوي

1- أجعل “الهاند” نظيفة وجافة

2- بعد 100 فنجان اغسل المكينة بـ منظف الماكينة

3- حافظ على نظافة المكينة أثناء استخدامها ستسهل عليك عملية التحضير التالية

4- التزم بتفاصيل

5- بلاش سكر :))

6-جرب أكثر من مرة، لحد ما توصل فنجان إلي يخليك مبسوط وراضي

5-الإسبرسو هو أساس المشروبات (الامريكانو / لاتيه / كابتشينو / فلات وايت / ميكاتو / كورداتو / ريستريتو / موكا / أفوجاتوا / بريفي / لينجو / لونجو بلاك

6- الإسبرسو في ناس بتحب تحط عليه سكر الناس دي فاتها كتير قوي